Gönguferð á Geitafellið

Mánudaginn 18. maí s.l. fór Ferðamálafélag Ölfuss, undir leiðsögn Sigurðar Jónssonar, gönguferð á Geitafell. Í ferðinni voru 26. Geitafell er 509 m hátt. Best er að hefja gönguna á Geitafellið rétt áður en komið er að vegpóstinum sem vísar á stikuðu leiðina sem heldur áfram í átt að Fjallinu eina og þaðan um Ólafsskarð inn í Jósefsdal. Leiðin upp er brött en á þessum stað er best að fóta sig í brekkunni. Eftir að upp er komið er fyrst komið að vörðu sem liggur inn á fjallinu en þaðan er svolítill spotti að steyptum stöpli sem notaður er til landmælinga.

Hraunið í kringum Geitafell er talið 100-150 m á þykkt. Meirihluti þessara hraunmyndanna hafa orðið til fyrir síðasta jökulskeið.

           

          

Gamla þjóðleiðin milli Þorlákshafnar og Hrauns

Sextán ferðafélagar gengu Gömlu þjóðleiðina milli Þorlákshafnar og Hrauns þann 18. maí 2009, undir fróðlegri og skemmtilegri leiðsögn Hrafnkels Karlssonar bónda á Hrauni. Veðrið gekk á með roki og rigningu, sem göngugarpar létu ekki á sig fá. Lagt var af stað frá Ytra Hrafnarskaði, þar sem gömul varða sendur og telst hún til fornminja.

Hér fylgja með myndir úr ferðinni:

         

         

         

         

    

Myndir frá síðustu göngu

Myndir frá göngu Ferðamálafélagsins 20. apríl sl. þegar gengið var frá
Vitanum um gróið land og klappir að Hlein.  Fararstjóri var Einar Sigurðsson.

        

 

      

 

   

Fréttir af aðalfundi Ferðamálafélag Ölfuss sem haldinn var 19. mars. 2009

Fréttir af aðalfundi Ferðamálafélag Ölfuss  sem haldinn var 19. mars. 2009 

Formaður sagði frá metnaðarfullri dagskrá félagsins fyrir komandi ár. Bæklingur með dagskrá félagsins fyrir árið 2009 hefur verið borinn á öll heimili í Ölfusi og Þorlákshöfn.Þar er boðið upp á 6 kvöldferðir og eina 4 daga ferð, gönguferð um Laugaveginn dagana 13.-16. ágúst.

Félagið hefur haft forgöngu um að reist verði í Þorlákshöfn hringsjá, og er Jakob Hálfdánarson tilbúinn að byrja á því verki.  Hún verður staðsett á útsýnispalli á sjávarkambinum sunnan við byggðina.  

Félagið er einnig að vinna að  gönguleiðakorti  af leiðum í nágrenni Þorlákshafnar og gömlum þjóðleiðum um Ölfusið.  Skipuð hefur verið nefnd sem þegar er tekin til starfa. Í nefndinni eru:  Þór Vigfússon, Sigurður Jónsson, Barbara Guðnadóttir og Edda Laufey Pálsdóttir. 

Stjórn Félagsins er nú þannig skipuð:

Formaður:  Ólafur Áki Ragnarsson
Ritari:        María Sigurðardóttir
Gjaldkeri:   Guðni Pétursson
Meðstjórnendur:  Vigdís Brynjólfsdóttir og
Smári Tómasson

Varastjórn:  Sesselja Pétursdóttir og
Davíð O. Davíðsson. 

Eftir kaffihlé sýndi Ólafur Áki myndir frá ferðum félagsins á liðnu sumri og einnig frá  ferðalagi sem hann fór í á hæsta fjall í Suður –Ameríku, Aconcagua.  Hann sagði frá þeirri ferð sem hann fór í janúar s.l.  þar var tekist á við óveður og kulda á framandi slóðum sem ekki er á færi nema þrautþjálfaðs fólks. Var þetta fróðleg og skemmtileg frásögn.  

Ferðamálafélag Ölfuss 2009 - ferðamálafélagið fyrir alla !

Dagskráin framundan!

Aðalfundur
Ferðamálafélags Ölfuss verður haldinn fimmtudaginn 19. mars n.k. kl. 20:30 í Versölum.

20. apríl,  mánudagur, lagt af stað frá Bakaríinu kl. 19:00
Gengið frá Vitanum um gróið land og klappir að Hlein.
Fararstjóri er Einar Sigurðsson

4. maí, mánudagur, lagt af stað frá Bakaríinu kl. 19:00
Gengið að Hrauni í Ölfusi.
Fararstjóri er Hrafnkell Karlsson

18. maí, mánudagur, lagt af stað frá Bakaríinu kl. 19:00
Gengið á Geitafell.
Fararstjóri er Sigurður Jónsson.

8. júní, mánudagur, lagt af stað frá Bakaríinu kl. 19:00
Lambafell.  Gengið fram Lambafellsháls.
Fararstjóri er Vigdís Brynjólfsdóttir.

26. júní, föstudagur, lagt af stað frá Bakaríinu kl. 19:00
Um Hengladali að Skeggja.
Fararstjóri er Guðni Pétursson.

13. - 16. ágúst.
Laugavegurinn 3ja daga ganga.
Nánar auglýst síðar.

5. september, laugardagur, lagt af stað frá Bakaríinu kl. 10:00
Ólafsskarðsleið, gengið úr Jósefsdal að Sandfelli.
Fararstjóri er Þór Vigfússon.

2. október, föstudagur.
Fræðslukvöld / myndakvöld / skemmtikvöld.

 

Móskarðahnúkar

Móskarðahnúkar 

 

Móskarðahnjúkar nefnist austasti hluti Esju-fjallgarðsins.  Laugardaginn 6. september 2008 fóru 13 göngumenn á Ferðamálafélags Ölfuss á Móskarðahnúka.  Veðrið var þokkalegt en útsýni hefði mátt vera betra.  Lagt var af stað frá Másbakaríi kl. 10:00 og komið heim aftur um klukkan 16:00.  

Ganga á Móskarðshnúka er frekar auðveld.  Gengið er að sunnan á hnúkana.  Ekið að Leirvogsá, hjá Hrafnhólum og haldið þaðan eftir gömlu götunni áleiðis að Svínaskarði.  Úr skarðinu er létt að ganga á austasta hnúkinni en hann er hæstur um 807 metrar og af honum er besta útsýnið.  Móskarðahnúkar myndast samkvæmt frásögn jarðvísindamanna í framhaldi af eldgosi í Esju fyrir 2,5 – 3 millj. ára.   Fyrir um 2 milljónum ára var stór og mikil askja fyllt vatni á svæði sem nú er á milli Skálafells, Móskarðahnúka, Þverárkotsháls og allt suður undir Grimmansfell.  Á börmum þessarar öskju voru tíð eldgos og þá mynduðust Móskarðahnúkar.  Þeir eru því fornar eldstöðvar og myndaðir úr líparíti, en það berg gefur þeim ljósa litinn og gerirr þá svo auðkennda, sem alkunnugt er.

Ljósmyndari:  Ólafur Áki Ragnarsson

 

Síðasta ganga sumarsins

Ágætu göngugarpar,

Nú er komið að síðustu göngu sumarsins.
N.k. laugardag 6. september kl. 10. árdegis verður lagt af stað frá bakaríinu í þessa gönguferð. Farið verður á einkabílum - sameinast í bíla, gönguferðin tekur um 3 tíma upp og niður með slóri. Hafið sundfötin með. Frekari upplýsingar - hafið samband.
Fararstjóri: Ólafur Áki.

Ég við vekja ath. á grein og myndum "Langleiðin" á síðunni www.Utivist.is af ferð okkar manna, Ólafur Áki og Vigfús leiddu gönguhóp yfir jökla og fljót -svæði sem sum okkar könnumst við -skoðið þetta, Kveðja Edda

Fréttir frá unglingalandsmóti

Ferðamálafélag Ölfuss tók þátt í Landsmóti unglinga sem haldið var í Þorlákshöfn 1. - 4. í ágúst með því að sjá um gönguferðir um bæinn og nágrenni.  Edda Laufey Pálsdóttir sá um gönguna laugardaginn 2. ágúst, þar sem gengið var frá Skrúðgarðinum  og sem leið liggur að kirkjunni. Síðan áfram um hverfisverndarsvæðið,

Egilsbraut og að Ráðhúsinu. Gangan tók um 1 1/2 tíma.  Um 30- 40 manns tók þátt í göngunni í besta veðri.

Fyrir Landsmótið voru sett upp upplýsingaskilti með fróðleik og myndum á 12 stöðum  í bænum sem myndar góðan gönguhring. Skiltin eru númeruð og er gott að hefja gönguna í skrúðgarðinum og halda svo áfram sem leið liggur að kirkju og síðan um hverfisverndarsvæðið. Gengið var um hluta af þessum hring og síðan fór Ólafur Áki Ragnarsson og Einar Sigurðsson með hóp fólks á sunnudeginum 3. ágúst um svæði gamla Þorlákshafnarbæjarins og bryggjur.

Ljósmyndasýning var sett upp í vitanum landsmótsdagana.  Sýndar voru nokkrar myndir af strandi Ófeigs III  frá 1988.  Einnig myndir af blómum í nágrenni vitans sem teknar voru í maí og júní 2008 af Eddu Laufeyju Pálsdóttur.  Félagar úr FFÖ sáu um gæslu í vitanum alla dagana á meðan á sýningu stóð.

Laki

LAKI

Dagana 14. – 17. ágúst 2008 fóru 11. félagar í Ferðamálafélagi Ölfuss í ferð um Síðumannaafrétt undir leiðsögn Vigfúsar Gíslasonar. Ekið var frá Þorlákshöfn þann 14. ágúst og gist í gangnamannahúsi við Blágil. Gengið var á Laka á föstudeginum og um svæðið umhverfis hann. Á laugardeginum var gengið með Skaftá, fossar árinnar skoðaðir og fjöll á svæðinu. Gist var í skála og tjöldum í Blágili.   Aðfaranótt sunnudags var gist í sumarhúsi fararstjórans í Flögu og ekið heim á sunnudag.   Vestan við Skaftá blasa við s.s.  

  
  Sveinstindur

   
  Uxatindur. 

 
Fararstjórinn Vigfús Gíslason

  
Vigfús, Vigdís, Marteinn, Alda, Birna, Jóhanna og Ásta
og fyrir framan Ragnar, Ásta og Helga.

Látum hér með fylgja fallegar myndir sem Ólafur Áki tók í ferðinni.

 

  

 

   

   

Lakagígar og Laki
Lakagígar er gígaröð á Síðumannaafrétti, um 25 km á lengd. Liggur hún frá móbergsfjallinu Hnútu til norðausturs og endar uppi í Vatnajökli. Gígaröðin dregur nafn af móbergsfjallinu Laka sem slítur hana sundur nálægt miðju.
Lakagígar gusu árið 1783 hinu mesta hraungosi er sögur fara af á jörðinni. Kallaðist það Síðueldur eða Skaftáreldar. Gosið hófst hinn 8. júní. Gaus fyrst úr suðurhluta sprungunnar, sunnan Laka, þar sem hét Varmárdalur. Var hann þá algróinn. Varmárdalur er nú fullur af hrauni. Hraunflóðið féll niður gljúfur Skaftár og fyllti það en rann síðan austur með Síðuheiðum og breiddist svo út á láglendinu. Annar hraunstraumur féll austur í farveg Hverfisfljóts og rann niður í Fljótshverfi.
Laki er kollóttur móbergshnjúkur (818 m y.s.) á Síðumannaafrétti.

Heimild: Íslandshandbókin útgáfa 1995. 

Jónsmessuganga Ferðamálafélags Ölfuss föstudaginn 20. júní 2008.

 

 

Ellefu manns tóku þátt í Jónsmessugöngu Ferðamálafélags Ölfuss 20. júní sl. Gengið  var frá  Fjallinu  eina sem stendur eitt sér norðan við Hrútfell, ofan Hrútargjárdyngju.

Farið var eftir hluta af Reykjaveginum  svokallaðan Undirhlíðarveg. Gengið var austur að Undirhlíðum en það er  greið leið og auðrötuð eftir gömlum götum með Undirhlíðum niður í Kaldársel.  

 

Þegar komið er að vatnsbólum Hafnarfjarðar við Kaldársel héldum við á Helgafell.  Þegar gengið er áleiðis á Helgafell er komið að nyrsta hluta Gvendaselsgíga.

 

Gígarnir standa upp úr hrauninu efst á brúninni, sá nyrsti stærstur. Leiðin upp á Helgafell er frekar greið, gengið er upp skriðu og síðan tekur við móbergshella.

 

Fjallið er um  340 m.y.s.