Ganga um Ásaveg í Flóa 2. júní 2008

Þegar leið á daginn stytti upp og um kvöldið var komið stillulogn og indælasta vorblíða, aðeins þokuslæðingur til fjalla. Fuglasöngurinn ómaði í lofti.Við vorum 6 manns sem fórum á tveim bílum austur að Orrustudal við Villingaholtsveg við heimreið að Hurðarbaki. Þar er upplýsingaskilti um þessa fornu þjóðleið sem liggur ofan úr sveitum í fyrrum verslunarstað Suðurlands, Eyrarbakka.  Þarna hittum við Kollu, Sigurberg og Gróu.  Með þeim voru þrjár ungar stúlkur sem aðstoða við sauðburðinn í Flögu.


Við lásum okkur til um þær orrustur sem fyrrum voru háðar á þessum slóðum og gengum síða af stað eftir mjög vel markaðri moldargötu sem hefur verið þjóðleið frá landnámsöld. Þegar við tókum okkur hvíld á háum hól dró fararstjórinn Alda  heitt súkkulaði og pönnukökur  upp úr pússi sínu, að gestrisni og hætti sveitunga sinna í Villingaholthreppi.  Þessu var gerð góð skil. 



Af þessum hól má sjá til allra hreppa á Suðurlandi. Þarna var fagurt yfir að líta í kvöldkyrrð  með góðu fólki.

Gróa bauð í kvöldkaffi að Flögu og var gaman að koma þangað. 

Edda Laufey

Fleiri myndir inná myndasíðunni.

Ölkelduháls og Þverárdalur

 

Við vorum 9 konur sem gengum um Ölkelduháls og  Þverárdal mánudagskvöldið 19. maí  í góðu og stilltu veðri.  Gengum fyrst að stóra hvernum til að athuga hvort við sæum Hverafugla - Þeir voru þarna á árum áður og margar sagnir um þessa litlu dökku fugla sem lýkjast urtönd og synda á sjóðandi vatni og stinga sér á kaf í hverinn. Siðan gengum við niður í Þverárdal og að stórkostlega móbergsgljúfri, sundurskorið af vatni þar sem sjá má tröllkonur dansa samba. Góð kvennaganga í vorblíðunni.  Heimkoma um kl. 23.00 

Edda Laufey.

P.S.  Fleiri myndir inná myndasíðunni.

Bolir til sölu

Bolir með merki félagsins eru til sölu hjá ritara.  Kven- og karlastærðir eru seldir á kr. 1.500.-

Ferðir framundan!

Ferðamálafélagið fyrir alla!


19. maí mánudagur kl. 19:00
Ölkelduháls - Þverárdalur
Fararstjóri:  Edda Laufey Pálsdóttir

2. júní mánudagur kl. 19:00
Ásavegur í Flóa
Ásavegur nefnast miklar traðir sem liggja um þvera sveitina. Þetta er hin forna þjóðleið um Suðurland. Þarna lá leið uppsveitamanna, og þeirra sem komu austan að, um ferjustaðina hjá Króki í Holtum og hjá Egilsstöðum, niður að verslunarstaðnum Eyrarbakka.  
Fararstjóri:  Alda Einarsdóttir

20. júní föstudagur kl. 19:00
Jónsmessunæturganga, Reykjanes.
Fararstjóri:  Ólafur Áki Ragnarsson

14. ágúst - 17. ágúst
Lakargígar og nágrenni.
Fararstjóri, Vigfús G. Gíslason.

Stjórn Ferðamálafélags Ölfuss

Stjórn félagsins er þannig skipuð:

          Formaður: Ólafur Áki Ragnarsson [e-mail]

          ritari: Edda Laufey Pálsdóttir [e-mail]

          gjaldkeri: Guðni Pétursson [e-mail]

          meðstjórnendur: Vigdís Brynjólfsdóttir og Smári Tómasson

          Varamenn: Seselja Pétursdóttir og María Sigurðardóttir

 

          Ferðanefnd: Sigurður Jónsson