Gengið á Stóra Meitil í Þrengslum

 

Gönguferð

 Gengið á Stóra Meitill í Þrengslum

   

Mánudaginn  3. maí  nk. mun Ferðamálafélag Ölfuss standa fyrir göngu á Stóra Meitill í Þrengslum. Ef  veður og útsýni verður gott verður gengið frá Stóra Meitli yfir á Litla Meitill.  

Lagt er af stað frá Bakaríinu kl. 19:00.  

Fararstjóri  Ólafur Áki Ragnarsson  

Allir velkomnir 

Stjórn Ferðamálafélags Ölfuss

Dagskráin fyrir árið 2010

 

Aðalfundur Ferðamálafélags Ölfuss verður haldinn 18. mars 2010 kl. 20:30 í Versölum.

 

Ferðirnar framundan:



19. apríl, mánudagur kl. 19:00
Gengið fjörur Eyrarbakka og Stokkseyrar.
Fararstjóri: Vigfús Gíslason

3. maí, mánudagur kl. 19:00
Gengið um Lönguhlíð.
Fararstjóri: Sigurður Jónsson

17. maí, mánudagur kl. 19:00
Gengið á Bjarnarfell.
Fararstjóri: Edda Laufey Pálsdóttir

7. júní, mánudagur kl. 19:00
Gengið á Ingólfsfjall.
Fararstjóri: Vigdís Brynjólfsdóttir

25. júní, föstudagur kl. 19:00
Jónsmessuganga.
Gengið í kringum Hlíðarvatn í Selvogi.
Fararstjóri: Guðni Pétursson

5. - 8. ágúst.
Aðalvík á Ströndum.
Siglt verður til Aðalvíkur, síðan gengið
á Straumnesfjall ogyfir til Hesteyrar.
Fararstjóri: Ólafur Áki Ragnarsson

4. september, laugardagur kl. 10:00
Gengið frá Hverahlíð yfir Skálafell að Hjalla í Ölfusi.
Fararstjóri: Davíð Davíðsson

1. október, föstudagur kl. 20.30
Fræðslukvöld / myndakvöld /
Skemmtikvöld í Versölum.

Lagt verður af stað í allar kvöldgöngur
frá Bakaríinu á mánudögum kl. 19:00

Nánari upplýsingar:

Ólafur Áki Ragnarsson
[e-mail] s: 893-6434

Vigfús G. Gíslason
[e-mail] s: 892-4452

María Sigurðardóttir
[e-mail] s: 617-6089

　

　

Fræðslu-mynda- og skemmtikvöld

Ferðamálafélags Ölfuss   

 

Föstudaginn  2.  október  nk.  kl. 20:30 verður fræðslu-mynda- og skemmtikvöld Ferðamálafélags Ölfuss haldið í Ráðhúskaffi að Hafnarbergi 1, Þorlákshöfn.  Sýndar verða myndir frá ferðum sumarsins. Þá mun Vigfús Gíslason sýna myndir og segja frá göngu sinni sl. sumar frá Eyrarbakka  austur  í Skaftártugu.  

Allir velkomnir 

Stjórn Ferðamálafélags Ölfuss

Gangan laugardaginn 5. september sl.

Við vorum 13 manns sem gengum Ólafsskarðveginn laugardaginn 5. september.  Þór Vigfússon ætaði að sjá um fararstjórn en meiddi sig á fæti og gat ekki gengið með okkur,  Davíð O Davíðsson  gjörþekkir þetta svæði svo hann tók að sér hlutverk fararstjóra. Lagt var af stað kl.10 um morguninn frá Bakaríinu, en nokkrir bættust í hópinn í Jósefsdal.  Veður var eins og best verður á kosið, stafa logn og góðviðri.

Alla þessa leið markar fyrir gömlum götum er minna á þessa gömlu þjóðleið frá Þorlákshöfn og suðurströndinni til Faxaflóasvæðisins. Við gengum upp að gýgnum "Leiti" sem gaus fyrir 5000 árum einu mesta hraungosi á suðvesturhorninu.  Þetta var þægileg fjögura tíma ganga  sem tafðist svolítið af föngulegum bláberja-og kækiberjalyngum.

Þátttakendur:  Davíð, Elín Björg, Hrönn, Guðni, Alda, Rán, Inga, Setta,  Óli Þorleifs, Björg á Kotströnd, Hulda Hjaltadóttir, Sigmundur Stefánsson og undirrituð Edda Laufey.

Gönguferð Ólafsskarðsleið

 

Gönguferð

 Ólafsskarðsleið  

Laugardaginn  5.  september  nk. mun Ferðamálafélag Ölfuss standa fyrir göngu frá Jósefsdal að Sandfelli „Ólafsskarðsleið“.  Göngutími 4-5 klst. 

Lagt er af stað frá Bakaríinu kl. 10:00.

Fararstjóri  Þór Vigfússon  

Allir velkomnir 
Stjórn Ferðamálafélags Ölfuss

Sumarferð Ferðamálafélags Ölfuss 2009

                

Dagana 13.-16. ágúst sl. fóru 19 göngumenn á vegum Ferðamálafélags Ölfuss í gönguferð frá Landmannalaugum í Þórsmörk.

              

Ferðamálafélag Ölfuss var stofnað  16. apríl 1997 og var  þetta 10 sumarið sem félagsmenn fóru í lengri gönguferð. Starfið í sumar hefur verið með hefbundnum hætti.  Farnar hafa verið 6 gönguferðir í sumar. Þátttaka í þeim hefur verið góð. Ein ferð verður farin þann 5. september nk. og er það 7 og síðasta gönguferð sumarsins en gengið verður úr Jósefsdal að Sandfelli.

                

Gangan frá Landmannalaugum í Þórsmörk er um 55 km.  Leiðin er stikuð og hluti hópsins gisti í skálum  í Hrafntinnuskeri, í  Hvanngili og í Langadal í Þórsmörk og aðrir í tjöldum. Fyrir útivistarfólk  er varla hægt að finna fegurra og litskrúðugra landslag til að ganga um. 

              
Fyrsta dagleið var úr Landmannalaugum í Hrafntinnusker,  um 12 km með 470 m lóðréttri hækkun. Göngutíminn um  4-5 klst. 

                

Önnur dagleið var frá Hrafntinnuskeri í Hvanngil, um 17 km.  Göngutími  um 5-6 klst. Hluti hópsins  gekk á Háskerðing sem er  á þessari  leið. Háskerðingur er 1281 m á hæð .

                  

Þriðja dagleiðin var frá Hvanngili í Langadal í Þórsmörk um 26  km.  Göngutíminn um 11 klst.

Kort af gönguleiðinni:

Fleiri myndir úr ferðinni:

              

              

              

              

     

 

               

          

Landmannalaugar - Þórsmörk

Landmannalaugar -Þórsmörk13.-16. ágúst 2009 

Fimmtudaginn  13.  ágúst  nk. mun Ferðamálafélag Ölfuss standa fyrir göngu frá Landmannalaugum í Þórsmörk. Um er að ræða þriggja daga göngu. Gist verður í skálum og farangri ekið  milli staða.   

Ferðtilhögun: 13. ágúst.  Lagt af stað frá Þorlákshöfn með rútu   kl. 10:00 og ekið í Landmannalaugar. Gengið verður þann dag í skála í Hrafntinnuskeri.  Um  5 klst.   gangur eða um 12 km.

 14. ágúst.  Gengið frá Hrafntinnuskeri  að Hvanngili með viðkomu á Háskerðingi fyrir þá sem vilja.   Um 9 klst. gangur eða um 18 km.

 

15. ágúst.  Gengið frá Hvanngili að Þórsmörk.  Um 10 klst. gangur eða um 25 km.  Sameiginlegt grill í Þórsmörk  um kvöldið.

16. ágúst.  Ekið heim á sunnudaginn  með rútu, komið til Þorlákshafnar síðdegis.  

Mikilvægt er að þeir sem ætla í ferðina skrái sig á netfang  [e-mail],  [e-mail]  og  [e-mail]   fyrir föstudaginn 7. ágúst  nk.  Kostnaður  vegan rútuferða,  gistingar og   flutninga á vistum er kr. 15.000,- pr/mann. 

Allir velkomnir.

                                                     Stjórn Ferðamálafélags Ölfuss

Frétt

Ferðamálafélag Ölfuss stóð að sýningu í Vitanum á Hafnardögum 6.-7. júní sl.

Í tilefni sjómannadags voru settar upp myndir af bræðrum, 4 Friðrikssonum og 4 Karlssonum og fjölskyldum þeirra.

Þessir menn, Friðrik, Davíð, Guðmundur og Pétur Friðrikssynir og Svavar, Karl, Jens og Baldur Karlssynir, skipstjórar og vélstjórar voru með fyrstu sjómannafjölskyldum sem setturst hér að um 1950 þegar þéttbýli myndaðist í Þorlákshöfn.

Þessi sýning var sett upp til að heiðra þá og störf þeirra í þágu Þorlákshafnar.

Í dag eru tveir af þessum mönnum á lífi, þeir Pétur Friðriksson og Karl Karlsson.

Gengið á Skeggja

    

Við vorum 14 göngumenn sem fórum í gönguferðina undir stjórn Guðna Péturssonar. Um er að ræða árlega Jónsmessugöngu Ferðamálafélagsins. Lagt var af stað kl. 19:00 á föstudagskvöldið úr Sleggjubeinsdal 26. júní og komið til baka um kl. 02:00.

         

Hengill er 803 m. hátt móbergs- og grágrýtisfjall við rætur Reykjanesskagans, skammt frá þjóðleiðinni austur fyrir fjall frá höfuðborgarsvæðinu. Hann er líklega hluti megineldstöðvar, enda gætir mikillar jarðhitavirkni allt umhverfis. Hæsti tindurinn heitir Skeggi. Suður úr Hengli gengur rýólítfjallið Sleggja. Dalirnir sunnan Hengils eru frá vestri til austurs: Innstidalur, Miðdalur og Fremstidalur. Hengladalaá kemur upp í þeim og rennur niður í Ölfus í Reykjadalsá. Innstidalur er milli Hengils og Skarðsmýrarfjalls (597m). Þar er stór gufuhver og ölkelda er í Hengladölum. Sagnir segja frá útilegumönnum í Henglinum og þar fannst hellir með mannvistarleifum í stórum kletti norðvestan gufuhversins.

         

Marardalur er sigdalur vestan Hengils undir Skeggja. Dalbotninn er grasi vaxinn og sléttur. Umhverfis eru hamrar og skriður og austur úr dalnum er þröngt gil, sem er hestfært. Dalurinn var vinsæll áfangastaður ferðamanna fyrrum. Árið 1881 var maður drepinn þar í ölæði, þegar hann reyndi að afstýra áflogum. Þarna voru einhverjar síðustu stöðvar hreindýra í Reykjanesfjallgarði. Ölfusingar létu naut sín ganga sumarlangt í dalnum og lokuðu gilinu. Einnig má nefna Bolavelli við Húsmúla, sem voru nýttir á sama hátt, en þar voru þau oft hættuleg ferðamönnum.

    

Ganga á Lambafell 8. júní sl.

     

      Nítján félagar í Ferðamálafélagi Ölfuss gengu á Lambafell 8. júní s.l. Gengið var upp námuveginn í miðju fjallsins (í landi Hjallatorfu).   Lambafellið er 548 m y.s.

       

      Eftirfarandi upplýsingar voru teknar af síðu www.toppatritl.org

      Lambafell (546 m.y.s.) er fjallið á hægri hönd með stóra malarnáminu í. Farið er framhjá afleggjaranum inn í malarnámið og aðeins innar í Þrengslin. Þar, utan í Lambafellinu, er öllu minna malarnám og þar er sveigt út af veginum til hægri og ekið áleiðs að malarnáminu.
Langur hryggur gengur suður úr Lambafellinu, Lambafellsháls, og verður byrjað á að ganga meðfram honum, milli hrauns og hlíða. Hraunið sem er á vinstri hönd er ættað af svæðinu handan Lambafells þar sem þrjár miklar gosstöðvar eru frá mismunandi tíma, Syðri- og Nyrðri Eldborg og svo Leiti. Hraun frá Eldborgunum rann um árið 1000 en úr Leiti er öllu eldra eða ca. 4600-5000 ára gamalt.



      Rúmlega 100 metra hækkun er upp á hrygginn. Ekki er verra að taka hækkunina í smá sneiðing til að auðvelda uppgönguna. Þegar upp er komið er hægt að velja um að skjótast á kollinn við syðri endann á hryggnum og svo til baka eftir honum upp á Lambafellið, eða bara taka stefnuna upp á Lambafellið í rólegri hækkun, um 140 metra hækkun.
Rétt er að vekja athygli á útsýninu til vesturs þar sem má sjá Bláfjöllin bakatil ásamt Eldborgunum tveimur sem áður hefur verið minnst á. Til austurs eru svo Meitlarnir, fjallaklasi sem leynir á sér, sérstaklega Stóri-Meitill. Þegar upp á Lambafellið er komið opnast útsýni á móti norðri og sést þá m.a. til Hengilsins.
      Niðurleiðin af Lambafellinu liggur um frekar bratta skriðu og verður komið niður rétt við malarnámið þar sem gangan hófst.
      Göngufæri er frekar mjúkt undir fæti, yfir móa að fara og mela. Niðurleiðin er sem áður segir kanski örlítið undan fæti en um að gera að velja góða leið.

Heimild: Sérkort - Suðvesturland, 1:100.000, Landmælingar Íslands.
Staðfræðikort 1:50.000 nr. 1613 II, Hengill, Landmælingar Íslands.
Staðfræðikort 1:50.000 nr. 1612 IV, Nes, Landmælingar Íslands.
Árbók FÍ 1985, Þættir um nágrenni Reykjavíkur.