Ganga frá Hnjúkum á Svörtubjörg

22 ferðafélagar gengu með Ferðafélagi Ölfuss þ. 7. Maí. Gengið var frá Hnjúkum að Svörtubjörgum og upp að Eiríksvörðu. Lagt var af stað kl. 19:30 og komið til baka kl. 22:20, veðrið var stillt en nokkuð kalt, frábært gönguveður.

 

 Kveðja, stjórnin

Aðalfundur ferðamálafélagsins 2012

  

 Ný stjórn var kosin á aðalfundi FFÖ, þann 29. mars síðastliðinn.

Ný stjórn skipast þannig:

Formaður: María Sigurðardóttir

Gjaldkeri: Vigdís Brynjólfsdóttir

Ritari: Björg Halldórsdóttir

Meðstjórnendur:

Benjamín Þorvaldsson og Davíð O. Davíðsson.

Varastjórn:

Alda Einarsdóttir og Ragnar Sigurðsson.

 

Ferðamálafélagið þakka fráfarandi formanni, Smára Tómassyni fyrir störf sín fyrir félagið á liðnum árum.

Hittumst kát og hress í gönguferðum komandi sumars.

F.h. stjórnar,

María Sigurðardóttir.

 

Dagskrá Ferðamálafélags Ölfuss 2012

Dagskrá Ferðamálafélags Ölfuss 2012

 

 Fimmtudaginn 29. Mars.

Aðalfundur  kl. 20:30 í Ráðhúskaffi.

Unnur Jónsdóttir flytur erindi um útivist.

 

 Mánudaginn 23. Apríl.

Gengið um Elliðaárdal. Farastjóri: María Sigurðardóttir.

 

 Mánudaginn 7. Maí.

Gengið frá Hnjúkum á Selvogsheiði á Svörtubjörgum.

Farastjóri Smári Tómasson.

 

 Mánudaginn 21. Maí.

 Gengið um Reykjadal fyrir ofan Hveragerði.

 Farastjórar: Jóhanna Hjartardóttir og Ragnar Sigurðsson.,

 

Mánudaginn 4. júní.

Gengið um Geitahlíð Farastjóri:Björg Halldórsdóttir 

 

 

 Föstudaginn 22. Júní.

Jónsmessuganga,Sogin Reykjanesi umhverfi Grænudyngju.

Farastjóri:Vigdís Brynjólfsdóttir.

 

 9-12 Ágúst.

Mýrdalur með gistingu í Þakgili.

 Farastjóri.Vigfús Gíslason.

 

 Laugardaginn 8. September.

Gengið á Vífilfell.Farastjóri:Davíð Davíðsson.

 

 Föstudaginn 5. Október.

Mynda- og fræðslukvöld.

           

Gengið á Ármannsfell

  

 

Laugardaginn 3. september var síðasta skipulagða gangan á vegum Ferðamálafélags Ölfuss sumarið 2011.  Gengið var á Ármannsfell í Þingvallasveit. Ármannsfell er 764 metrar á hæð, gott uppgöngu. Ferðin upp og niður tók um 3 klst. Eftir gönguna var komið við í Þrastarlundi í kaffi og kökur. Veðrið var eins og best verður á kosið og ekki skemmdi það daginn að koma við í sundlauginni í Þorlákshöfn og njóta góðrar þjónustu starfsmanna í dásamlegu umhverfi.

Fararstjóri í ferðinni var Ólafur Áki Ragnarsson.  

Á myndinni eru:   Björg Halldórsdóttir, María Sigurðardóttir, Alda Einarsdóttir, Benjamín Þorvaldsson og Vigdís Brynjólfsdóttir 

Ferðin í Berufjörð - Papey

Berufjörður – Papey

Á hverju ári frá því að Ferðamálafélag Ölfuss var stofnað hefur það verið markmið félagsmanna að fara í  eina  ferð  þriggja til fjögurra daga. Ferðin í ár var farin austur á  land  í Berufjörð og út í Papey dagana 11.-14. ágúst sl.  Átta manns fóru í ferðina sem heppnaðist í alla staði vel. Þrátt fyrir að veðurspá hafi ekki alveg verið ferðalöngum í hag rættist þokkalega úr veðrinu.  

Ekið var frá Þorlákshöfn upp úr kl. 09:00 fimmtudaginn 11. ágúst og komið á Djúpavog um kl. 16:00. Eftir síðbúinn hádegisverð var gengið um hluta þorpsins undir leiðsögn Ólafs Áka Ragnarssonar. Komið var við á steinasafni Auðuns Baldurssonar, þaðan haldið inn í Gleðivík og  eggin skoðuð, listaverk eftir Sigurð Guðmundsson. Gengið var inn í Skógræktina á Búlandsnesi, með viðkomu á áhugaverðum stöðum.  Skoðunarferðin tók um 4 klst.

Eggin í Gleðivík, verk eftir Sigurð Guðmundsson, listamann

Steinasafn Auðuns Baldurssonar

Föstudaginn 12. ágúst var gengið á Búlandstind. Búlandstindur er 1069 metra hátt basaltfjall í Djúpavogshreppi og er talinn vera um 8 milljón ára gamall. Búlandstindur þykir almennt vera í hópi formfegurstu fjalla á Íslandi og sumir trúa því að Búlandstindur sé orkustöð.

Á toppi  Búlandstinds 1069 metrar á hæð. Á myndinni eru: fv. Vigfús Gíslason, Ólafur Áki Ragnarsson, Kristján Gíslason, Vigdís Brynjólfsdóttir, Svandís Sverrisdóttir, og Rán Gísladóttir

Vigfús Gíslason á toppi Búlandstinds 1069 metrar á hæð

Kl. 15:00 var síðan haldið  með ferjunni Gísla í Papey út í Papey sem tekur um 40 mín að sigla.  Papey er stór eyja og tilheyrir Djúpavogshreppi. Eyjan er 2,0 ferkílómetrar að stærð, og er hæsti punktur hennar í um 58 metrar yfir sjávarmáli.
Í Papey var dvalið í um sólarhring og notið leiðsagnar Svandísar I. Sverrisdóttur sem ólst upp í eyjunni og þekkir þar hverja þúfu.

Bjarg íbúðarhúsið í Papey

Inn í kirkjunni í Papey. Á myndinni eru: fv. Vigdís Brynjólfsdóttir, Alda Einarsdóttir, Rán Gísladóttir, Svandís Sverrisdóttir og Vigfús Gíslason

Laugardaginn 13. ágúst var haldið til lands með bátnum Orra SU-260 sem Eðvald Ragnarsson eigandi bátsins stýrði. Eftir sjóferðina sem tók aðeins á farþega sökum lítisháttar brælu, var haldið í Löngubúð. Söfnin í Löngubúð voru skoðuð og fengið sér kaffi og meðlæti á eftir. Eftir skoðunarferð um þorpið var sameiginlegt grill um kvöldið.

Á landleið með Orra SU-260, Rán Gísladóttir og María Sigurðardóttir

Sunnudaginn 14. ágúst var haldið heim á leið með viðkomu í Skaftártungu. Eftir að hafa borðað dýrindis SS pylsur var haldið heim og komið til Þorláksharnar síðdegis. Fararstjórar voru Svandís Ingibjörg Sverrisdóttir og Ólafur Áki Ragnarsson

Gengið á Ármannsfell

 

Laugardaginn  3.  september  nk. mun Ferðamálafélag Ölfuss

standa fyrir gönguferð  á  Ármannsfell  í  Þingvallasveit.  

Ármannsfell er 764  metrar á hæð og gott uppgöngu.    

Göngutími 4-5 klst.  

Lagt er af stað frá Bakaríinu kl. 10:00.   

Fararstjóri   Ólafur Áki Ragnarsson 

Allir velkomnir 

Stjórn Ferðamálafélags Ölfuss

Myndir frá Jónsmessugöngunni

Ellefu félagar úr Ferðamálafélagi Ölfuss, gengu þann 24. júni Jónsmessugöngu að Þríhnúkagíg. 

Þríhnúkagígur er gígur  sem liggur í norðauastasta Þríhnúknum,
rúma 4 km vestur af skíðasvæðinu í Bláfjöllum. 

Gangan var 9,5 km löng og meðalharði var 3,1 km á klukkustund.

         

            

         

  

Gönguferð Djúpivogur - Papey

Þann 11.-14. ágúst nk. mun Ferðamálafélag Ölfuss standa fyrir göngu um svæðið í nágrenni við Djúpavog.  Um er að ræða ferð sem hentar fólki á öllum aldri. 

Ferðatilhögun,  farið er á eigin bílum: 

Fimmtudaginn 11. ágúst  kl. 09:00 er lagt af stað frá Bakaríinu í Þorlákshöfn og á Djúpavog.  Komið á gististað  við  Djúpavog  kl. 15:00.  Kl. 17:00 er haldið á Búlandstind sem er 1069 metrar á hæð. Gangan upp og niður tekur um 6 klst. Ef ekki er veður til að klífa tindinn verður farið um eyjar og sanda út af  Djúpavogi. 

Föstudaginn 12. ágúst kl. 13:00 er siglt út í Papey með ferjunni. Gist er í gamla bænum í Papey. Gengið um eyjuna í ca. 4 tíma. Um kvöldið verður boðið upp á siglingu og sjóstangaveiði  á  sundum  og milli skerja á svæðinu umhverfis Papey.   

Laugardaginn 13. ágúst  kl. 14:00  er  siglt í land með ferjunni og  gengið um byggðina á Djúpavogi og út á tangann út af  þorpinu. Sameiginlegt grill á eftir gönguferðina. 

Sunnudaginn 14. ágúst  Ekið til Þorlákshafnar um kl. 11:00.                 

Upp á skipulag,  er mikilvægt að þeir sem ætla í ferðina skrái sig fyrir föstudaginn
5. ágúst  nk. 

Tekið er á móti skráningu  og nánari upplýsingar um ferðin gefa:  Vigdís Brynjólfsdóttir  [e-mail]  s. 483-3948 / 862-0948 og Smári Tómasson  [e-mail] s. 483-3873/ 690-1354

Þau sem taka við skráningu og gefa nánari upplýsingar um ferðin eru, Vigdís, [e-mail] s. 483-3948 og 862-0948 og Smári [e-mail]  sími 483-3873 og 690-1354

Kostnaður  við ferðina er  um kr. 10.000,- pr/mann,  með gistingu. Fararstjóri Svandís Ingibjörg Sverrisdóttir. 

p.s. Dagskráin  getur tekið breytingum svo sem vegna veðurs. 

Allir velkomnir!

Stjórn Ferðamálafélags Ölfuss

Jónsmessuganga að Þríhnúkagíg

Föstudaginn  24. júní   nk. mun Ferðamálafélag Ölfuss standa fyrir  Jónsmessugöngu að Þríhnúkagíg.

Þríhnúkagígur er gígur sem liggur í norðaustasta Þríhnúknum, rúma 4 km vestur af skíðasvæðinu í Bláfjöllum.
Niður frá gígopinu gengur gríðarmikill gíghellir, Þríhnúkahellir.
Hann er eitt stærsta og merkasta nátturufyrirbæri sinnar tegundar á jörðinni.

Lagt er af stað frá Bakaríinu kl. 19:00.  Fararstjóri  Vigdís Brynjólfsdóttir   

Allir velkomnir 

Stjórn Ferðamálafélags Ölfuss 

Ný stjórn Ferðamálafélags Ölfuss

Formaður:   Gumundur Smári Tómasson
Ritari:   María Sigurðardóttir
Gjaldkeri:   Vigdís Brynjólfsdóttir
Meðstjórnendur:   Björg Halldórsdóttir og  Benjamín Þorvaldsson

Varastjórn;
Davíð Davíðsson og Alda Einarsdóttir